[SIZE="4"]المقدمه
....
بنسى غرامي فيك لو صار ماصار
وسود اليالي لما اذكرك شهودي
معاد عندي لك معزه ومقدار
غير انك انسان مسلم وسعودي
والله مبقى لو تحاصرني اسوار
حررت انا نفسي من زود ظلمك قيودي
وقررت ابتعد وترك الدار وروح لناس تقدر وجودي..
القصه....
جراح شاب عاش بين اسره متوضعه نشى كمثله من الاطفال فعلاقاته محدوده لاتتعدى ابناء حارته
فهو شاب وسيم ذكي لكيع ويملك حس مرهف فهو حساس جدا
ولكن مستواه الدراسي متواظع لاباس انجز المرحله الابتدائيه والمتوسطه ودخل الثانويه بس المشكله دقر فيها وفوق هذا كله كثرة مشاكله مع المدرسين بسبب شغبه
وذات يوم من الايام واثناء الفسحه قرر جراح هو وصديقه سالم الهروب من المدرسه من فوق الجدار بس صديقه فيصل رفض لان بعد الفسحه حصة رياضيات مهمه
وعجبتهم الفكره وصارو كل يوم يسوونها ويروحون لمدرسه البنات يغازلون والهيئه طردي وراهم ولكن براعه جراح بتفحيط تضيعهم
ومرت بنت رشيقه ذات طول فاتن ومشيه تدل على نعومتها من جانبهم ورائحه العطر تفوح منها كاليسمين وهم جامدين لاحراك من هول مامر بجانبهم
وبعدها جاءت الهيئه لتوقظهم من حلم جميل ليلوذو بالفرار كالعاده
ومن الصباح الباكر استعد جراح واصدقاءه للهروب من المدرسه لرؤيت الفتاه التى اشغلت قلوبهم طوال الليل
واصبحوا كل يوم يذهبون لتلك المدرسه لرؤيت الفتاه حتى طاح جراح بحبها
اخذ يفكر ليل نهار بها وبراحه عطرها
واستمرو على هالحال لمده شهر كامل لم يحس عليهم احد
حتى جاء يوم من الايام وهم كالعاده من فوق الجدار وعندما نزل جراح اذا هو يسقط بحظن معلمه الذي خرج ليدخن سيجاره خارج المدرسه ليصيح معلمه من الالم بس جراح يتبسم ويتلفت ويقول وش السالفه
ويفر جراح واصدقاءه من الخوف ويعلم المدير بالموضوع ليخبر اولياء الامور
ويدخل جراح الى المنزل كالعاده ويعمل نفسه جاي من المدرسه ويلقى اخوانه الاثنين يستنونه بالعقل لان ابوه بايعها ويحرم جراح يهرب من المدرسه ثاني مره
وداوم جراح وصدقاوه بعد توسط الاهالي عند المدير الذي اصر على معاقبتهم
واستمروا على الحال يوم ويومين وثلاث وجراح هيمان حزين على ذاك الزول اللي ماراح يشوفه مره ثانيه بس سرعان منسي موضوعها لانها معطته وجه
ومر الترم بعد عناء وجت الاختبارات وطلعت النتيجه ويرسب جراح وخويه سالم بماده الرياضيات
ويخطط جراح هو وسالم بالانتقام من المدرس بفزعه حمدان ولد جيرانهم اللي ماله دخل بالسالفه ويسرقون سياره المدرس ويحرقونبها
ويبلغ المدرس عليهم الشرطه وينسجنون اسبوع وكالعاده بعد الوجاهات يتنازل المدرس عن حقه
والمدير فصلهم من المدرسه وزعل جراح هو وسالم على فيصل لانه نجح وخانهم وقطعوا العلاقه معه
ونقلبت حياة جراح وسالم فوق تحت بسبب الفراغ وسهر باليل ونوم بالنهار وهياته بالشوارع
حتى اقتنع ابو جراح يبني لجراح استراحه يسهر به هو واخوياه بدل الدواره بالشوارع
وظل جراح وخويه سالم على هالحال سنتين حتى توظف سالم وجراح مازال عاطل عن العمل فشغله الشاغل السهر مع الاصدقاء
وفي يوم من الايام وجراح ساهر مع الاصدقاء الذي لم يعد يجلسون الساعات الطوال كعادتهم بسب ارتبطهم بالدوامات
ويتصل جوال جراح واذا هو برقم غريب
جراح: الوو
واذا هو صوت ناعم مبحوح خافت صوت بنت هذا جوال ساره
جراح : لا بس اصير لك ساره
البنت: تضحك بدلع كيف تصير ساره
جراح :يويل قلبي ولو تبين اصير حصه
البنت : بصوت واطي وبخوف خلاص خلاص بااااي طربقت السماعه بوجهه
جراح شك بالموضوع اكيد هذا رجال يقلد صوت بنت بيلعب علي يتذيكاء الاخ
بس انا بداريه ويتصل جراح عليه
البنت: الوو
جراح :هلاااا
البنت: انا كنت غلطانه لاتتصل مره ثانيه
جراح: اسمع حبيبي اقصد اسمعي صوتك حلو وانا ابي اتعرف عليك
البنت:متعجبه من الاسلوب نعم لا انا مو فاظيه
جراح:تتفضالي اقصد تتفضين لي
البنت: متعجبه انت وش تلمح له
جراح:تتغيشم اعترف من انت
البنت: عادتها طربقت السماعه بوجهه
جراح: مفهي قلت ادب اقل شي قل مع السلامه كل هذا اني كشفتك
ويساله صديقه سالم وش السالفه
وقال واحد يستعبط يقلد صوت بنت بس انا شاك بحمدان
وصار ثاني يوم ويجي حمدان وجراح يلمح له وينك امس مجيتنا
حمدان: والله كنت نايم
جراح: نايم ولا تغازل
حمدان: اغازل ياليت يسمع منك الله فاقد الامل الاخ
جراح:تسوي نفسك غشيم اعترف هو انت الا انت لاتقاوم دفنينها سوا الاخوان مسوينها بناس واجد
ومحجرله بالزاويه اعترف اعترف انت الا انت تخفيني
"كلنا عيال رقيه وكلن يعرف خيه" اخس يضرب امثله الاخ
حمدان:وش السالفه والله مدري وش عنه تتكلم
جراح:حمدان حمدان بزعل واذا بجوال جراح يتصل الا هي البنت
جراح :متلهف الوو
البنت: سلاااام
جراح: اي والله مو انت
البنت:وش السالفه
جراح: السالفه ثاني مره لاتتصل
البنت:مالت عليك طربق بوجهه عادتها
جراح: قام يتصدد يبي يغير السالفه متورط من حمدان
حمدان:الحين فهمت وش السالفه
ويدخل سالم طفشان وشماغه على كتفه ويسلم من وراء خشمه ياشينك
جراح: وش فيك
سالم : طفشان مال
جراح :معليك الحين اتصل على الشباب واقوللهم يجون ويجبون العود معهم
ويطقونها سهره للفجر دق عود وتروس ورقص وهستره
لين مطاب الكيف
وكل راح لبيتهم مشان يلحق ينام له ساعتين لزوم الدوام
وجلس جراح بروحه يتحلطم على وضعه حتى غزاه النوم
ويصحى على جواله يتصل الساعه السادسه صباحا الا هي نفس البنت اللي تتصل عليه ورد بعصبيه يصباح الصباح خير نشاالله وش تبي على الصبح يخوي تراك ازعجتنا
البنت: خلاص خلاص انا اسفه على الازعاج طبعن ميحتاج اكمل طربقت السماع بوجهه كالعاده
جراح عصب بزياده ورجع اتصل عليها وقال لوسمحت ثاني مره قل مع السلامه قبل لا تقفل وطربق السماعه بوجها
ورجع كمل نومته لعصر ولما صحى راح لبيت وكالعاده الكلام يترامى عليه مثل كل يوم من امه وابوه بسبب السهر والهياته وهو ماله شغل غير ياخذ شماغه ويهج من البيت
وركب سيارته وجلس يتمشى بشوارع وحس بالوحده وجلس يفكر بوضعه وان كل اخوياه توظفو الا هو وحس بالملل واتصل على صديقه سالم ومره مشان يتمشى معه
وهم يتمشون قال سالم نفسي اضحك
جراح: نفس الشعور
ممداه يكملها الا جواله يتصل الاهي البنت نفسها اتصلت تبي تعذر عن الازعاج
ويناظر جراح لجواله مدهوش متعجب من صاحب الرقم وش يبي ذا
جراح:الووو
البنت:قبل لاتعصب ابي اقولك شي
جراح:لامنى معصب بالعكس رايق اخلص وش عندك
البنت: انت وش قصتك تكلمني كذا ليش منت مصدق اني بنت
جراح: لااااا
البنت:ليش صوتي لهدرجه خشن
جراح: يضحك والله انك مصخره من جد
البنت :شكرا
جراح: الحين كل هالمخاسير وش تبي اخلص من الاخر
البنت: ابي ادردش معاك بس شكلك عصبي
جراح: انا ماني فاضيلك وبعدين انتي تقليد
وطايحلك فيها تريقه
وسالم بجنبه وضحكاته تاصل اخر الشارع والبنت
حست ان مالها داعي طاحت على ورطه
جراح: اسمع انا مابيك بس صديقي سالم قنوع يكلم اي احد خوذيه
وصوت الضحك يزيد كل شوي
سالم: هلااااااا
البنت: لو سمحت عطني صاحب الجوال
سالم: ليش انا منفع
البنت: بعصبيه انا ابي صاحب الجوال لو سمحت
سالم: وهو يضحك انت وش اسمك ياأخ
البنت: عطني صاحب الجوال
سالم: خساره شكلنا معجبناك
وطربقت البنت كعادتها الجوال بوجهه
سالم:وجع
جراح:وش السالفه
سالم: يخرب بيتك هذي بنت من جد بس صوتها مبحوح مره
جراح: يارجال قل غيرها
سالم: اقص ايدي اذا مو بنت
جراح: وقردي كانه صدق
سالم: ضيعتها من ايدك
جراح: طيب خلني اتصل واشوف
اتصل جراح عليها وردت بعصبيه
نعم
جراح: مطير عيونه مرحبا
البنت:خير
جراح:ليكون زعلتي
البنت: كل شي اتحمله الا انك تعطيني صديقك اكلمه
لو سمحت انسى هالرقم
ولاعاد تتصل عليه
جراح: حس بصوت البنت لما عصبت بوضوح وتاكد انها بنت
طيب انا اسف
البنت:وين اصرفها
جراح: مدري
البنت: ارجوك انا اللي غلطت واتصلت على واحد مثلك
جراح: بلي مايحفظك لاتنافخين
البنت: طيب هذا اخر مره تسمع فيها صوتي سلاااااام
جراح يفرك بيديه متفشل من ردها
سالم: وش فيك وراك طفيت
جراح: منهي هذي وش تبي واساله كثيره دور براسه
سالم: والله اني جعت ودني البيت موعد العشاء قرب
ونزل جراح سالم عند بيتهم
وجراح مازال يفكر بالبنت وحس انه غلط عليها
وراح لبيتهم وخذا على هالحال يومين هالبنت على باله ويحاول انه ينساها
وبعد يومين جاه سالم للاستراحه وجالسين كعادتهم شاي وقهوه وتلفزيون وناسه وفرفشه
وجاء لجراح رساله من البنت فيها عتاب ولوم وكتبت باخر الرساله الى جراح
هنا انصدم جراح من الرساله وطير عيونه وعدل جلسته
سالم:وش فيك
جراح:الحقني هاك اقراء الرساله
سالم: قراء الرساله جراح وشفيك خرعتني عاديه من منه الرساله
جراح: لاتجنني هذي البنت اللي ذاك اليوم
سالم : واذا بنت مثل باقي البنات
جراح:انا اعرف بس هي اكتبت اسمي يعني تعرفني
سالم:اكيد انت قلتلها وناسي
جراح:انا متاكد انا مقلت لها شي
سالم:لاتشغل بالك اكيد هذي مرسوله انتبه منها لاتعطيها وجه
جراح:غريبه منهي هذي
وطلع سالم يبي يسري مشان وراه دوام وجراح طول الليل يتصل عليها مقفل وخذى على هالحال اسبوع وبعدها اتصل الا الجوال مفتوح بس مترد طولت لها يومين يتصل ومترد اشغلت بال جراح صار مايفكر الا فيها والاسئله تحارب ذهنه
من هي وش تبي من مرسلها وليش تسوي كذا حتى جن جنونه واستعمل كل الطرق ليتوصل لها سال عن اسم الجوال بس طلعت شريحه بدون اسم اتصل عليها من ارقام غريبه ومترد واخر شي ارسل لها رسايل غرميه من جواله
والبنت ثارت عواطفها وجراح حس بتعاطف مع البنت واخيرا اتصل جراح على البنت وردت
جراح:بشغف الووو
البنت: نعم
جراح: كيف الحال
البنت: الحمد لله
جراح: واخيرا رديت يطويل العمر
البنت: لاشعوري ضحكت من قلب بعالي صوتها انت للحين منت مصدق اني بنت
جراح: يويل قلبي على هالضحكه لا الحين اتاكدت انك بنت
البنت: خير انشالله وش عندك متصل
جراح : ابي ارضيك شكلك زعلانه
البنت: اكيد زعلانه اتصل عليك وتعطيي خويك
جراح: وش تفرق به انا ولا خوي
البنت: انت متصل ترضيني ولاتزعلني ليش وش قصدك اكلم اي احد
جراح: لامقصدي بس بس بس تورط انتي من عندنا
البنت: اولا انتم وينكم
جراح :الرياض
البنت :لا انا من الشرقيه
جراح:ونعم باهل الشرقيه
البنت:يالله تبي شي
جراح:ابي شي؟! يعني ضربني وبكاء سبقني وشتكى
البنت:تضحك وش دخل هذا بالسالفه وش تخبص انت
جراح: مدري بس حسيت اني لازم اقولها
البنت: طيب انت الحين وش تبي
جراح: انتي تعرفيني وأنا معرفك من انتي وش تبين
البنت: من قال اني اعرفك
جراح:انتي ارسلتي اسمي برساله معناته انك تعرفيني
البنت: لا أنامعرف من انت
جراح: طيب وش عرفك اسمي
البنت: انا سألت عن اسم صاحب الجوال وعرفت
جراح: مصدوم طيب من جابلك هالمعلومات
البنت: وحده من صديقاتي اخوها يشتغل بالاتصالات
جراح: طيب انتي متاكده
البنت:ايوه ليه عندك شك
جراح:لامعندي شك إلا واثق انك كذوب
البنت: الله يسامحك
جراح: اقوووووول يابنت
البنت: قوووووول
جراح : اخلصي من انتي
البنت: وش اقول وحتى لو قلت ماراح تعرفني انا وين وانت وين
جراح:انتي حولنا ولا يمكن بعد نطلع جيران
البنت: وليه منت مصدقني
جراح: بصراحه لا
البنت: ليش
جراح: لان الجوال مهو باسمي باسم صديقي سالم
البنت: كنك صفعتها كف اتلعثمت وقامت تحوس وتخبص
جراح: مبسوط حجرتها
البنت: امي تناديني بااااااي طربقت السماعه
جراح: ماكون جراح اذا معرفتك
ومضى على هالحال شهرين وهم يكلمون بعض والبنت معترفت من هي وجراح طاق و ميت طايحلها تحجير
والبنت تماطل
ويوم من الايام قرر جراح يهزئها ويمسح بها البلاط
اتصل جراح على البنت
جراح :الوو
البنت:هلاااا وغلاااا
جراح: انا متصل ابيك بموضوع
البنت: خير نشالله
جراح: ابي اقولك انسي الرقم هذا
البنت: ليش حرام عليك انا احبك
جراح: انا معندي استعداد اكلم بنت مجهوله يعنبو دارك انا للحين معرف اسمك
البنت: طيب براحتك انا مجبرك على شي بس ابي اعرف شي قبل لا اقفل
جراح: امري
البنت: ابي اعرف مشاعرك اتجاهي
جراح: اي مشاعر انا محس باي مشاعر
البنت: شهرين ومتحس باي مشاعر
جراح: كيف احس بتجاهك بشي وانا مدري من انتي
البنت: حتى لو تكرهني عادي تكلم قول اي شي
جراح: يابنت الناس اي كره واي مشاعر انا مراح اقولك اي شي الا لما اعرف من انتي
البنت: طيب انا اسفه اذا سببت لك اي ازعاج يالله باااااي
جراح: باااااي
وضاق صدر جراح حس انه قسى على البنت
ومضى اسبوع وجراح هالبنت ماراحت عن باله حس بشوق لها وحس انه محتاج يسمع صوتها بس يكابر مايبي يخضع لها
وانقلب حال جراح فوق تحت صار عصبي حزين اي شي يثر فيه وكل من حوله لاحظ هالشي
واتصل جراح بعد تردد وتفكير على البنت
جراح:الوو
البنت: هلااا انا كنت حاسه انك راح تتصل
جراح: يحقلك اعرفتي تصيديني
البنت: اعتبر هذا اعتراف
جراح:بس لو تقولين من انتي
البنت:اخاف تنصدم
جراح:ليش انصدم يالله تراك مصختيها
البنت:انا احبك من سنين وانت متدري عني
جراح:من سنين ليش وين عرفتيني
البنت: اذكرك انت واخوياك كنتم تغازلون عند مدرستنا قبل لايفصلونك
جراح: عجيب هذا تعرفين كل شي عني
طيب مو حرام عليك
البنت:ليش حرام
جراح:تعرفين كل شي وانا معرف ولا شي
البنت: انا نفسي اقولك بس اخاف
جراح: تخافين من ايش
البنت: منك اخاف تفضحني
جراح: افاااااا انا افضحك ليش وش قلولك
بصراحه زعلتيني
البنت: بصراحه انا من عطيتني صديقك اكلمه وانا خايفه منك
جراح:يؤؤؤؤؤؤه انتي للحين منسيتي
انا كنت احسبك رجال يلعب وبعدين خلاص مابي اعرف من انتي دامك ماتثقين فيني
البنت: لاتزعل بس الموقف مو سهل
جراح: غريب امرك طيب هذاك تكلميني عادي
البنت: انا كلمتك لاني احبك ومن شدة حبي لك اتصلت عليك
لاتفهمني غلط انا متصلت الا لاني خفت تروح من بين ايديي
جراح: طيب منين جبتي رقمي
البنت من جوال اخوي
جراح: وقردي معناتها اعرف اخوك
البنت: تبي تجرجرني بالحكي
جراح: يابنت الناس قلت خلاص مابي اعرف من انتي ولاتزعلين
البنت: طيب انا بطلع لاهلي اخاف يشكون فيني الحين
جراح: اوكي بس لاتقاطعيني
البنت: افهم من كلامك انك تبي علاقتنا تستمر
جراح: شفقان عليك بس
البنت: لا والله تنكت
جراح : طيب يالله بااااي
البنت: باااي
وبعد هالمكالمه قام جراح ينبش بجواله ويشوف كل الارقام المخزنه بجواله يمكن اخت سالم لا اخت تركي لا اخت سلطان لا اخت حمدان صح معنده خوات اكيد اخت فيصل والله احترت
وثاني يوم بالاستراحه بينه وبين نفسه يناظر بالشباب ويخمن وكل واحد يناظرله يشك بنفسه وتمغصه بطنه اكيد انها اخته ولا ليش يناظر كذا
وعلى هالحال كل مناظرله احد شك بنفسه
واتصلت البنت بعد الفجر كالعاده عليه
البنت:الوو
جراح: هلا مليت وانا انتظرك
البنت :جد والله افهم انك اشتقتلي
جراح: لاطلعين علي اشاعات انا مقلت شي
البنت: "تضحك" ليش تخبي مشاعرك وش منه خايف
جراح: نفس اللي مخوفك مني
البنت: بس انا غير
جراح: وانا بعد غير
البنت: اكيد انت غير ولا متصلت عليك
جراح: اتلعثم طيب طيب طيب
البنت: وش فيك
جراح: احرجتيني
البنت: انا المفروض انحرج مو انت
استمرت المكالمه هم يتغزلون بعض ساعه ونص
البنت: حبيبي
جراح: لبيه
البنت: نفسي اقولك من انا بس خايفه
جراح: وش منه خايفه
البنت: اخاف اطيح من عينك او تعلم علي احد
جراح: افااااا انتي للحين متثقين فيني
البنت: مو قصت عدم ثقه بس خايفه
جراح: عليك الله وامان الله ان محد يعرف بموضوعك
حتى لو على قص رقبتي
البنت: ولاحتى تقاطعني
جراح: ولا اقاطعك
البنت: وعد رجال
جراح: وعد رجال
البنت: انا انا انا ياربي
جراح: على اعصابه تقولين ولا وشلون
البنت: بقول بقول طيب انا اعطيك معلومات وانت خمن
جراح: اخمن انتي صاحيه تبيني اخمن كل اهل الرياض
البنت: طيب راح تعرفني من خلال المعلومات
جراح: طيب الحق الكذاب لين باب الدار
البنت: وجع اي كذاب لاتخليني اغير رايي
جراح: لااااا خلاص كلش ورايك
البنت: انا ادرس باولى جامعه تخصص جغرافيا
انا وحيدة اهلي انا واخوي
اسم اخوي فيصل
وابوي مدير اتصالات
امي مدرسة رياضيات
بينا وبينكم شارعين
جراح: يشهق خلاص خلاص لاتكملين قولي غير هالحكي لا لا لا مصدق انتي اخت فيصل صديقي بالثانوي
البنت: ابخوف ايوه
جراح: ياااااااااه ياهي الدنيا صغيره فيصل الخاين اخوك
البنت: لاتغلط اي خاين لو سمحت
جراح: ليش ينجح ويخلينا
البنت: تضحك بقوه وليش هذا خيانه
جراح:ايوه طيب مقلتيلي وش اسمك
البنت: شجون
جراح: شجون يالله عاشت الاسامي
شجون: الله يحلو اسمي بلسانك
جراح: واخيرا اعترفتي
شجون: ارتحت الحين يالمشفوح
جراح: مشفوح يعنبو دارك احمدي ربك اللي للحين صابر عليك ومتحملك
شجون: صابر علي ليش وش جابر
جراح: مصبرني الشفاحه
شجون: تنكت
جراح: مقلتيلي وش اخبار فيصل
شجون: بخير معليه
جراح: اخر مره شفته يمكن من سنه بالسوق خذا رقمي ولاتصل
شجون: يكفي انا اتصلت
جراح: وش رماك علي
شجون: الحظ
جراح: مقلنا شي بس وش عرفك ان في جراح بدنيا
شجون: قلتلك كنت اشوفك عند مدرستنا وبعدين من كلام فيصل عنك
جراح: وش يقول هالمصري اكيد يحش
شجون: قل مشالله عليه ترا اخر سنه له بالجامعه
جراح: اهااااااا والله له وحشه
شجون: جبنا طاري القط بااااااي فيصل ينادي علي
جراح: باااااااي
وجلس جراح يفكر بامر شجون وش تبي وهل هي صادقه بمشاعرها اوتلعب ياربي وش هالبلوه انا مني ناقص مصايب حتى شرقت الشمس واستعدت شجون لدوام
اتصلت علي جراح
شجون:صباح الخير
جراح:صباح الورد يااااااااه هالمكالمه يبي يكون لها طعم ثاني
شجون: وش معنى
جراح: لاني اعرف من يكلمني
شجون: انا مابي شي بس حبيت اسمع صوتك قبل لااروح لدوام وبعدين لاتنسى انك منمت للحين
جراح: مضنيت يجيني النوم
شجون: بيجيك بس انت غمض عيونك وبتنام على طول
جراح: بجرب
شجون:بااااااي لاتنسى تحلم فيني
جراح: بحلم فيك وانا صاحي باااااي
وراحت شجون للجامعه مع صديقاتها وبعد المحاظرات راحو للكفتيريا مشان يبون يفطرون ومع الضحك والوناسه والهيصه اتصل جراح على شجون وكلمته على جنب
جراح: الووو
شجون: هلااااا انت للحين منمت
جراح: مجاني نوم
شجون: احم احم من ماخذ عقلك
جراح: انتي
شجون: حمرت خدودها انا انا مخذيت شي
جراح: شجون
شجون: لبيه
جراح: احبك
شجون:حست وكنها طارت فوق الغيوم جرااااااااااح
جراح:عيونه
شجون: انا بالجامعه الحين بيغمى علي اسكت
جراح: طيب انا ابي انام بس حبيت اقولك هالكلمه
شجون: نوم العوافي حبيبي
جراح: بااااااي
شجون: بااااااي
وجلست شجون تطامر وتضحك وتلعب بالجامعه من الفرحه مو مصدقه
ورجعت للبيت
ومنامت الظهر تفكر في جراح وتعيد الكلمه مئة مره احبك احبك احبك احبك احبك احبك
واستمرت المكالمات بينهم لمده سنتين وكبر الحب بقلوبهم وعشق جراح شجون حد الجنون حتى صار يغار من الهوا الطاير ولم يعلم احد بعلاقتهم حتى شك خالد اخو جراح بالوضع وان الفواتير تتعدا المبلغ المعقول
وقرر خالد مصارحت جراح وراح له بالاستراحه
ودخل خالد ولقى جراح وصديقه سالم يتابعون المباراه
وجلس عندهم لين مايروح سالم
واتصل جوال جراح عليه وطلع يكلم براء
وخالد يناظرله مقهور
وسال سالم جراح من يكلم
سالم:مدري بس كل يوم على هالحال يخليني ويطلع براء يكلم ولابعض الحيان ينسى نفسه ويروح بسياره "خربها" ويخليني
واستاذن سالم يبي روح وقاله خالد اجلس الحين يجي جراح
سالم: قابلني اذا جاك قبل الفجر
وراح سالم وجلس خالد يستنى جراح يخلص مكالمته
واستاذن جراح من شجون يبي يسكر مشان يجلس مع اخوه
جراح: حبيبتي انا ابي اسكر اخوي موجود الحين يشك فيني مابيه يحس بشي
شجون: طيب بس اول ميطلع اتصل
جراح: اوكي باااااي
شجون:باااااي
وراح جراح وجلس مع خالد
خالد: ليكون خربنا الجو عليك
جراح: اي جو
خالد: مدري عنك من جالس تكلم من الصبح
جراح: واحد من اخوياي موصيه على غرض
خالد: واحد من اخوياك وشوي وذوب علينا
جراح: اذوب انت وش تخبص
خالد: ادري انك تكلم بنت
جراح: اي بنت ومنهي اللي بتعطيني وجه
خالد: جراح بنات الحرام واجد ماهمهن غير الفلوس وبطاقات الشحن
جراح:تنرفز اي بنات واي بطايق انت وش تخبص
خالد: لاتلف ودور كل شي واضح
مو عيب عليك بنت تلعب عليك
جراح: عندك غير هالكلام
خالد: يعني هذا اخر كلام عندك
جراح: لاتعطلني بنت الناس تحتريني
خالد: اذا محرمتك الجوال مكون خالد
جراح: اعلى مبخيلك اركبه
طلع خالد معصب وراح لبوه وخبره بالسالفه واقنعه انه مايدفع فاتورة الشهر هذا
واقتنع الاب
واستمر جراح بمكالمه شجون دون متحس باي شي وخالد يتربص له يبي يعرف البنت منهي واستمرت المشاحنات بين خالد وجراح حتى صدرت الفاتوره وخذاها ورفض ابو جراح دفع الفاتوره
وخذ خالد الفاتوره بدون مايحس جراح وشاف اكثر رقم متكرر ومده المكالمات بساعات
وخذاه ورجع الفاتوره
وطلع خالد شريحه مجهوله واستلم شجون ازعاج على باله بتعطيه وجه من اول مكالمه بس شجون اول مسمعت صوت رجال سكرت الخط بوجهه ومعادت ترد على الرقم
حتى تملل منها ومرت الايام يوم ورا يوم كان جالس بالاستراحه مع اخوياه وساله صديقه حمد: خالد وشفيك احس ان بالك مشغول في شي مضايقك
خالد: لا مافي شي سلامتك
حمد: تلعب علينا منت معنا بالمره
خالد: والله مدري وش اقولك
حمد: يارجل تكلم يمكن اقدر اساعدك وصدقني سرك بير قلي محتاج فلوس
خالد: لا مو قصة فلوس
حمد: اجل
خالد: اخوي جراح طايح على بنت تلعبه لعب ومصدق انها تحبه
حمد: متعرفون هالبنت منهي
خالد: عجزت اعرفها اتصل عليها مترد
حمد:ليش وش عرفك رقمها
خالد: خذيته من فاتورة خالد دون ميحس
حمد: انا جيبلك خبرها
خالد: ليش وش ناوي عليه
حمد: افااااا عليك الاشكال هذا بطاقه وحده وتصير عبده عندك ولو تبيها تطلع معك تطلع
خالد: بس هذي مترد علي
حمد: انت عطني رقمها خلال اسبوع اجيبلك خبرها
واعطى خالد حمد الرقم
واستلم حمد شجون بالرسايل الغراميه لمده يومين وبعداها صار كل يوم يرسلها بطاقه شحن لمده خمس ايام وبعدها استغرب انها متصلت عليه وصار يتصل عليها مترد واستلمها ازعاج ولاحياة لمن تنادي
وتعجب من موضوع هالبنت
واتصل على خالد واعصابه تعبانه
حمد: الوووو
خالد: بشر سبع ولاضبع
حمد: لاسبع ولاضبع
خالد: يضحك افااااااا ليش
حمد: يارجال اسكت الله يعينكم على هالبلوه
خالد: افاااااا جبتك ياعبد المعين تعني لقيتك ياعبدالمعين تنعان
حمد: انا تعقدت الظاهر خذت البطايق وسحبت علي
خالد: اكيد الحين بحاجتهن جوال جراح انفصل يستقبل ولا يرسل
خلاص حمد نلتقي بالاستراحه بالليل
وتورط جراح بالفاتوره ولان الجوال باسم صديقه سالم فصلو بعد جوال سالم
وقلت المكالمات بين جراح وشجون صارت تكلمه كل مشحنت جوالها وصار جراح يدور على وظيفه مثل المجنون
وكان منحرج من صديقه سالم لانه مدفع الفاتوره ونفسيته صارت تعبانه حتى نزلت مكافأة شجون ومع مصروفها الشهري اللي من ابوها واللي من امها واللي من اخوها فيصل قدرت تجمع حق الفاتوره
واتصلت على جراح فرحانه
شجون: حبيبي ابشرك فرجت
جراح: وش السالفه خير اللهم اجعله خير
شجون: ابشرك دبرت المبلغ حق الفاتوره
جراح: نعم وش قلتي
شجون: بتدفع الفاتوره
جراح: الظاهر دلعتك زياده عن الازم
شجون: ليش انا وش قلت
جراح: ومن قالك دبريه انا مطلبت شي منك
شجون: جراح ادري مطلبت شي بس انا
جراح: لا بس ولا شي سكري على الموضوع
شجون: بصراحه اتاكدت الحين وش كثر تحبني
جراح: لادخلين هذا بهذا انا ماني ناقص اللي فيني مكفيني
شجون: طيب اخليك مشان ترتاح
جراح: حبيبتي راحتي معك
شجون: طيب انا وش سويت تصارخ علي
جراح: انا مهما كانت الصعاب مضعف قدام احد ومابي احس اني ضعيف قدامك
شجون: حبيبي انت لما تاخذ الفلوس موضعف بالعكس لازم اشاركك ازمتك وبعدين الفلوس هذا منت رايح تصرفها على نفسك واعتبرها سلف
جراح: حبيبتي لا تحاولين هذا من المستحيلات
شجون: طيب براحتك حبيبي انا الحين ابي اذاكر عند امتحان
جراح: اوووووف متى تتخرجين وتتفضينلي باااااي
شجون: بايااااااات
وجلست شجون تذاكر ساعه وتسرح ساعتين
وجراح يتمشى من ضيقه الخلق
بسياره
والتقى خالد بحمد بالاستراحه ومتعجب حمد من موضوع هالبنت اللي مردت حتى برساله على الرغم من كثر استفزازه لها
وسألت خالد حمد انت جربت البطايق يمكن مشحنتهن
وجربهن خالد بشريحته المجهوله وشحنن
وانصدم حمد انت متاكد ان الرقم رقمها
خالد: هذا الرقم الوحيد اللي بفاتورة جراح مكالماته بالهبل وساعات
حمد: غريبه هالبنت
خالد: اظل وراها وراها لين اطيحها
وشجون بالوقت هذا متدري بالخلاف اللي يدور بين جراح واخوه خالد
وراحت شجون مع السواق ودفعت الفاتوره عن طريق الصرافه
دون علم جراح
وجاء اليوم الثاني وتفاجأ جراح برساله جت على جواله من الجوال تشكره على دفع الفاتوره
واتصل جراح على ابوه وصديقه سالم وكل واحد يقول مو انا اللي دفعت الفاتوره
واتصل على شجون معصب
جراح: الوو
شجون: هلااااا وغلااااا
جراح: كيفك
شجون: نحمدوووو
جراح: وش اخبار الامتحان
شجون: سهل مره
جراح: غريبه مسالتيني من اللي دفع الفاتوره
شجون: كنت بسالك بس سبقتني
جراح: تستغبيني
شجون: انا ليش وش سويت
جراح: تعملين نفسك مو انتي اللي دفعتي الفاتوره
شجون: لا مو انا وبعدين كيف ادفعها انا مجنونه افضح نفسي
جراح: شجون اصدقي معاي
شجون: جراح انا عمري كذبت عليك
جراح: غريبه منهو اللي دفعها
شجون: يمكن ابوك بس ميبي يقولك مشان ثاني مره متعيدها
جراح: يمكن مع اني مضنيت
شجون: خلاص الحين قفل انا اتصل عليك
جراح: ليش انا اكلمك
شجون: لاتنسى المره اندفعت بس الشهر الجاي من يدفعها
جراح: معليك انا ادفعها ادور وظيفه انشالله فراش
شجون: فراش تعملها
يالله بس قفل انا اتصل عليك
ولاصرت فراش اخليك تتصل
جراح: طيب
وقفل جراح ورجعت اتصلت عليه شجون
ومر شهرين على حالهم هذا
حتى اخيرا اتوظف جراح بعد عناء طويل وبعد منفذ صبره
حارس امن بالاتصالات براتب معقول
وبعد شهرين من الوظيفه راح جراح لاخته الكبيره بيتها وفاتح موضوع الزواج معها وقاللها انه يبي تزوج وحاط عينه على وحده قبل لاطير منه وانها اخت خويه فيصل وبنت ناس معروفين
وقالت اخت فيصل مغيره ونعم فيهم وهي بنت عاقله عمري مسمعت عنها شي
وجراح مقدر يصبر قال لشجون تجهز نفسه وتستعد لخطبه
وطارت شجون من الفرحه والدنيا موسعتها وحست ان كل مابدنيا يضحك لها
ومر يومين وشجون تحس انها ملكت الدنيا بيديها
متصدق ان حلمها راح يتحقق
وراح تتزوج الشخص اللي تحبه ويحبها
واتصلت على وحده من زميلاتها ساره تبي تاخذ منها جدول المحاظرات
بس مردت عليها
واتصلت شجون على وحده ثانيه من زميلاتها
وكانت المفاجئه القاضيه لما حمد زوج ساره شاف رقم البنت اللي عجز ويدور عليها بجوال زوجته
وسالها عن صاحبه الرقم وقالت شجون بنت جيران بالحي القديم
حمد: شجون بنت ابو فيصل مغيره
ساره: متعجبه ايوه مغيره
حمد: انتي متاكده
ساره: ليش وش السالفه
حمد: خذا جواله يبي يقارن بين الرقم البنت ورقم شجون الا هو نفس الرقم
ساره: خرعتني وش السالفه
حمد: اتصلي عليها وتاكدي هي شجون ولا لا
ساره: اتصل عليها ليش وش صاير انا ماراح اتصل غير لما افهم السالفه
حمد: يشد ساره مع شعرها تتصلين ولا وشلون
ساره: كالعاده خافت ليضربها خلاص خلاص بتصل بتصل
واتصلت ساره على شجون وحطت سبيكر
ساره: الوو
شجون: هلاااا صح النوم
ساره: اي نوم
شجون:اتصلت عليك قبل ساعه مرديتي قلت هذا نايمه
ساره: لاوالله كنت بالمطبخ مسمعت الجوال خير نشالله وش بغيتي
شجون: سلامتك بس بغيت الجدول بس خلاص اخذته من وحده من البنات
ساره: شجون حبيبتي معليش والله مسمعت الجوال
شجون:لاتشيلي هم عادي خلاص روحي شوفي شغلك عطلتك
ساره: طيب سلااااام
شجون: سلااام
ساره: الحين رتحت
حمد:ياسبحان الله صدفه عجيبه
ساره: انت ليش متفهمني وش السالفه
حمد: وش السالفه بنت داشره تكلم واحد من اخويانا موعارف منهي
ساره: مستحيل مصدق
حمد: وقف واقف عمرك لاصدقتي
ساره: منجنه مستحيل اصدق بكل البنات الا شجون
انا اشك بنفسي ولا اشك فيها حرام عليك لاتحطها بحظك
وطلع حمد وترك ساره بدوامه ماهي مصدقه الكلام اللي سمعته
واتصل حمد على صديقه خالد مره وثنتين وثلاث لانه مايرد على جواله
وبعد ويلاه يرد خالد على الجوال
حمد: ياخوي وينك مترد
خالد: نايم وش تبي
حمد: يالحبيب اي نوم اصحى
خالد: في شي ضروري ابي انام
حمد: اي نوم انت وجهك ابيك اطلعلي الحين انا استناك قدام بيتكم
خالد: ليش وش صاير
حمد: وش اللي ماصار اطلعلي بسرعه وقفل الخط بوجهه
خالد: يلبس ملابسه مستعجل الله يستر وش صاير
وطلع خالد لحمد وش في خرعتني
حمد: اركب وتعرف وش في
خالد ركب السياره
حمد: عرفتها عرفتها
خالد: من اللي عرفتها
حمد: شجون اللي يكلمها جراح
خالد: بذمتك انت صادق منهي بنته وكيف عرفتها
حمد: لو تدري كيف عرفتها تنجن
خالد: يصارخ فرحان اقولك منهي بنته
حمد: بنت ابو فيصل مدير الاتصالات
خالد: سكت مذهول جمد بمكانه
ابو فيصل مغيره جارنا
حمد: ايوه
خالد: يارجال انت انجنيت اسكت لاحد يسمعك لاتبات ليلتك بالقبر
حمد: انا متاكد لقيت رقمها بجوال زوجتي طلعت زميلتها بنفس الفرقه
خالد: انت متاكد لاتورطنا
حمد: مثل ما انا متاكد اني حمد
خالد: ياااااااااه دنيا صغيره
حمد: وش رايك اعجبتك
خالد: الحين رجعني البيت
حمد: وش عليه ناوي
خالد: خلني افكر ويصير خير
ونزل حمد عند بيتهم ويدخل عند اهله جالسين بصاله وعندهم جراح وجلس معهم
ويناظر جراح يتبسم بخث
واستغرب جراح من نظرات اخوه خالد
وملقاله بال
وطلع جراح لغرفته يبي يكلم شجون
وخالد متحمل ولحق جراح لغرفته
جراح: خير وش تبي
خالد: سلامتك ابيك بموضوع
جراح: مابينا مواضيع
خالد: انت اخوي وتهمني مصلحتك
جراح: انا اعرف مصلحتي زين
خالد: لاوالله متعرفها وانت على نياتك
جراح: لو سمحت حافظ على مابقى لك من احترام عندي
خالد: انا اعرف انك تكلم شجون ودري انها تلعبك وانت على نياتك
جراح: مصدوم مذهول متكلم ولا كلمه
خالد: وللي متعرفه انها تكلم واحد غيرك من اخوياي وهو اللي علمني لانها تستغلك مشان تشحن لها مشان تكلمه
جراح: جن جنونه فقد اعصابه اطلع براء يسافل ياحقير
خالد: انا سافل الله يسامحك
جراح: فقد اعصابه وضرب خالد وتهاوشو واصوتهم وصلت اخر الشارع يالله امهم واخته فكت بينهم
وطلع خالد معصب من البيت
واتصل على حمد
خالد: الوو حمد ابي منك خدمه كمل معروفك
حمد: لعيونك ابشر
خالد: ابي اعرف اخبار شجون اول باول وش تاكل وش تشرب وين تروح وين تجني كل شي كل شي
حمد: روق روق اخبارها تجيك بالتفصيل
وراح حمد لزوجته ساره
حمد: ساره ابيك تتقربين اكثر لشجون وتجيبين اخبارها بالتفصيل
ساره: حست بغيره ليش وش تهمك فيه
حمد: صدقيني انا متهمني بشي بس صديقي يبي يعرف كل شي عنها لانها تتلاعب بمشاعره
ساره: انا اسفه معندي استعداد اصير جاسوسه
حمد: نعم وش قلتي
ساره: اللي سمعت
حمد: اجل بيت اهلك تضبك وانا تكفيني شجون
ساره: نعم شجون ليش يعني انت اللي تكلمها مو صديقك
حمد: لا انا مكلمها بس هي تتصل وانا معطيها اشكل
مشان كذا عرف صديقي انها لعابه
ساره: اعمتها الغيره ومتلى قلبها حقد على شجون
ليش انا وش سويت فيها
اكيد متعرف انك زوجي
حمد: لاتعرف اني زوجك
ساره: ايش عرفك
حمد: هي قالته لصديقي اني انا زوجك وانها زميلتك بالجامعه
ساره: الحيوانه وتسوي نفسها محترمه
حمد: اي محترمه انتي لو تعرفين وش تسوي بصديقي مشان كذا اقولك جيبي لي اخبارها لان صديقي يبي ينتقم منها
وجراح طول هالوقت مو عارف مخططاتهم ولا على ايش ناوين
طبعا مصدق بالكلام اللي قاله خالد له واستمرت علاقه جراح مع شجون كعادتهم بحب ورومانسيه وبالعكس تمسك فيها اكثر
طبعا جراح قال لاخته تاجل الخطبه شوي لين تهداء الامور
جاء يوم الخميس وكان يوم زواج وحده من صديقاتها بالجامعه
واتصلت ساره على شجون
ساره: الوو مرحبا
شجون: هلااا وغلااا
ساره: كيف حالك
شجون: بخير الله يسلمك
ساره: بغيت اسالك تروحين لزواج اليوم
شجون: ايوه انا عند المشغل ابي اسوي شعري
ساره: اي مشغل
شجون: مشغل دلع
ساره: طيب ايش تلبسين مشان نطقم انا وانتي
شجون: انا ابي البس الفستان الاحمر
ساره: خساره انا معندي احمر
طيب خلاص معطلك اكيد مشغوله نلتقي بالزواج باااااي
شجون باااااي
استغربت شجون من هالمكالمه وش السالفه غريبه
طبعا ساره كلمت شجون وزوجها موجود عندها
واتصل حمد على خالد
حمد: الوو
خالد: الوو
حمد: وينك
خالد: بالاستراحه
حمد: جبتلك اخبار عن شجون مدري هي تفيدك ولا لا
خالد: هات معندك
حمد: هي الحين بالمشغل دلع بتسوي شعرها
بتروح زواج الليله وبتلبس فستان احمر
وقاله اخبار ثانيه من اللي قالته ساره من المواقف اللي صارت لهم بالجامعه
خالد: اخبار طيبه ومفعولها سريع
خاصه الفستان الاحمر
حمد: وش ناوي عليه
خالد: اقولك بعدين بااااي
حمد: باااااي
الا هذا دخل جراح الاستراحه شاف خالد ورجع
وصوت خالد لجراح
جراح مرد عليه وطلع
ولحقه خالد براء جراح لحظه وناظر جراح لخالد خير نشالله
خالد: سلامتك بس حبيت اقولك ان شعرها راح يطلع جنان خاصه انها مسويته عند مشغل دلع ولا بتلبس احمر تخيل الله احمر ياليت اشوف شكلها قبل تروح الزواج
جراح: مفهي ميدري وش يقول مصدوم من اللي سمعه
وراح خالد بيركب سيارته
ولحقه جراح منجن ومسكه مع كتفه منين لك هالمعلومات
خالد: صديقي توه مكلمها وعلى فكره هي الحين عند مشغل دلع توها الاخبار فرش
ومشى خالد وقف على فكره
صديقي اللي منقي لها الفستان
وراح خالد وترك جراح جامد مايتحرك منجن من اللي سمعه
وبعدين ركب جراح سيارته
وركب جراح سيارته خالد عرف كيف يدخل الشك قلب جراح
وجلس جراح يفكر بالكلام اللي قاله خالد وانها فعلا تبي تروح للعرس بس خالد وش دراه انها تبي تروح
واتصل جراح على شجون يبي يتاكد انها بالمشغل
جراح: الوو
شجون:هلااا حبيبي
جراح: وينك
شجون:وش دعوه قلي كيف الحال وش اخبارك على طول وينك
جراح: لابس باين انك منتي بالبيت
شجون: مشالله عليك تلقطها وهي طايره
انا بالمشغل
جراح:اي مشغل وش عندك
شجون: مشغل دلع ابي اسوي شعري ابي اروح زوج زميلتي نسيت امس وانا قيلتلك
جراح: اهااااااااا زواج
طيب وش تلبسين
شجون: البس فستان احمر
جراح: اهااااا احمر وشعندك على الاحمر
شجون: مدري هالفستان من اعز الفساتين احب البسه دايم
جراح:اهاااااا اعز فساتينك
شجون: جراح تستهبل وش كل شوي اهااااااااا
جراح: وبلى مواخذه ليش اعز فساتينك
شجون: وش فيك طريقتك بالكلام مو عاجبتني
جراح: مجاوبتيني على سوالي
شجون: لانه هديه من شخص عزيز على قلبي
جراح: اهااااا هديه وشخص عزيز
شجون: بذمتي منت صاحي وش فيك
جراح: ومنهو الشخص العزيز
شجون: بنت خالي
جراح: بس على حد علمي ان خوالك لهم سنه مجو لرياض
شجون: ايوه ارسلته مع اخوها لما جانا قبل شهرين
جراح: بس انتي مقلتيلي شي عن هالموضوع
شجون: مجت مناسبه وبعدين محسيت انه شي مهم منشان اقوله
جراح: عجيب تقولين لي كل شي تافه وش معنى هالفستان
شجون: جراح وش فيك الشر بصوتك
جراح: لا مافيني شي يالغلا سلامتك ياحبي
شجون: تتريق
جراح: لا بس مابيك تلبسين هالفستان
شجون: ليش وش معنى هالفستان
جراح: بس هيك مابيك تلبسين احمر
شجون: لا انا بلبسه انا مجهزه نفسي على اني بلبس احمر
جراح: ويعني بتلبسينها
شجون: عندت ايوه بلبسه
جراح: يصير خير
وسكر الخط بوجه شجون
وجن جنونها وش القصه انا وش سويت
وراحت شجون لزواج وهي متضايقه وصاكه فيها الدنيا لانها تتصل على جراح وجواله مقفل ومع انها تحب الطرب والرقص الا انها مقدرت تشاركهم
وجلس جراح ثلات ايام مقفل جواله وتحول جراح من شخص حساس رقيق رومنسي عطوف الى شخص وحش كاسر قلبه مليان حقد
كيف قدرت بنت تلعب بمشاعري كيف قدرت بنت تعيشني بوهم كيف بنت قدرت تستغلني ثلاث سنين وانا مخدوع
وطبعا خالد مترك جراح طول ثلاث ايام وهو يحشى مخه على شجون
ويوم فتح جراح جواله الا شجون تتصل لانها من ثلاث ايام تحاول تتصل
وكان هذا وحده بالليل ورد جراح: نعم
شجون: جراااااح حبيبي وينك خوفتن عليك
جراح: عايش والحمد لله
شجون: حبيبي وش فيك صارحني فيك شي
جراح: بلا حبيبي بلى زفت بطلي كذب وخداع
شجون: جراح انا شجون
جراح: ادري انك شجون
شجون: كل هذا لاني لبست الفستان الاحمر
جراح: لاتسوين نفسك بريئه انتي عارفه وش اقصد
شجون: وش تقصد جراح وربي مو فاهمه شي
جراح: هههههههههااااي جراح المغفل الغبي اللي ثلات سنوات تلعبين فيه على كيفك جراح اللي تلعبين بمشاعره اللي تدعين عليه الحب بح راح خلاص معاد مغفل معاد غبي
شجون: جراح انت وش قاعد تقول انت صاحي
جراح: انا توي صحيت يابابا
شجون: لا حشى انت مو جراح اللي انا اعرفه
جراح: راح تشوفين اكثر والله لخلي ايامك سوداء
شجون: ليش انا وش سويت حرام عليك انا وش سويت
جراح: مسويتي شي ابدا
شجون: اوعدك ماراح تسمع صوتي من اليوم ورايح بس اعرف ليش انا وش سويت
جراح: شجون بصوت مليان شر وحقد صوت واحد مجروح
منهو حمد يشجون
شجون: اي حمد انت وش عنه تتكلم
جراح: حمد حبيبك حمد عشيقك
شجون تضحك انت صاحي اي حمد واي خربيط
جراح: حمد اللي اهداك الفستان الاحمر
شجون: اي حمد واي فستان انت وش تقول انا قلتلك اللي اهدانياه بنت خالي
جراح: بالله فكينا بطلي كذب انتي ممليتي ثلات سنين وانتي على هالحال
شجون: انت عارف وش تقول انا شجون حبيبتك
جراح: هذاك اول يوم كنت مغفل
وبعدين حمد وش دراه انك بتلبسين احمر قبل لاتروحين لزواج وش دراه انك عند المشغل ياخاينه
شجون: اي حمد انا مسمح لك
جراح: انتي لو فيك خير مكلمتيني انتي خنتي اهلك ماتبين تخونيني
شجون: مصدومه لا مصدق انت مو جراح انت واحد ثاني انت مو جراح انت واحد ثاني لا لا لا
جراح: سكر الخط بوجها
وجلست شجون بين اربع جدران وحيده مثل المجنونه تظرب براسه الجدار مو مصدقه اللي سمعته
مو قادره تشكي ولا تبكي ولاتصرخ الموت اهون عليها من اللي سمعته
ورجعت تتصل على جراح مره ومرتين وثلاث وكل مره يرد عليها ويهزئها ويطلب منها انها متتصل عليه
حتى شعرت بالاهانه لدرجه انها مسحت رقمه من جوالها وقررت متتصل عليه وجلست اربع اشهر من العذاب والذل والاهانه والدموع وجراح ولا فكر يتصل عليها او انه يرسل لها رساله وشجون حست انها انسانه رخيصه خاصه بعد ممسح بكرامتها الارض
وحست انها لازم ترد كرمتها
ويوم من الايام وكان في رقم يزعجها بستمرار طوال هالفتره بس كانت مترد عليه
وكانت جالسه بالفسحه مع صديقاتها واتصل حمد على زوجها ساره
ساره: هلا حمد وقامت ساره تكلم بعيد عن البنات
وشجون فرت فيها الدنيا وفر الشريط بخيالها وتذكرت مكالمت ساره الغريبه لها بالمشغل وعن الفستان اللي راح تلبسه وان زوجها اسمه حمد ونفس الوقت معامله ساره لها تغيرت وصارت ترمي عليها كلام ماله داعي
ودارت فيها الدنيا
وخلصت ساره مكالمه وجت وجلست عندهم وطلبت شجون جوال ساره منها
ساره: ليش وش تبين بجوالي
شجون: ابي اقراء رسايل حلوه اذا عندك
ساره: طيب لاطولين انتظر مكالمه
وخذت شجون الجوال وفتشت الارقام اللي مخزنه بجوال ساره وطلعت رقم حمد الا هو نفس الرقم اللي يزعجها
بالحظه هذا شجون انصدمت ورمت الجوال من ايدها
ساره: وش فيك
شجون: نعم هاه مدري
حست شجون انها بدوامه وانها ماهي فاهمه شي
لا انا تذكرت شي نسيت كتابي بالمدرج وراحت للمدرج وجلست تفكر وتقلبها من هنا وهنا حتى اتصل جوالها الا هو حمد زوج ساره
ارد مرد ارد مرد
خليني ارد وشوف وش عنده
حمد: الوو
شجون:نعم
حمد: انعم الله عليك
شجون: الله لاينعم عليك
حمد: افاااااا ليش ياحبيبي
شجون:لاتتصل على هالرقم مره ثانيه
حمد: بس انا معجب فيكي
وتسكر الخط بوجه حمد
حست شجون ان في لعبه وسخه ملعوبه عليها
وانتظرت شجون لين طلعت من الجامعه
واتصلت شجون على جراح
طبعا جراح رد على طول لان الشوق ذابحه حس انه مو قادر ينساها على رغم من كل اللي سمعه بس كان يكابر
جراح:الوو
شجون:مرحبا
جراح: اهلين
شجون:طبعا انا وعدتك انك مراح تسمع صوتي بس في شي خلاني اتصل
جراح:خير عسى طاري خير
شجون: انا ابي اسالك عن حمد اللي تدعي اني على علاقه معه
جراح: انتي للحين منسيتي
شجون: ليش انت نسيت
جراح: وش فيه حمد
شجون: انت تقصد حمد جارنا القديم
جراح:نعم جارنا القديم
شجون:ممكن اعرف من قالك هالكلام
جراح: ماله داعي تعرفين
شجون: لا له داعي ولاتفكر اني اسعى مشان ارجع العلاقات لا انا ابي اعرف لان في اشيا كثيره صارت اليوم ابي اعرف وبعدين اعمل حساب للايام الحلو اللي مضيناها مع بعض مو لازم تعملي انا حساب
جراح: ليش وش صاير
شجون: اشياء تخصني مسمح لاي احد يدخل فيها
جراح: انا صرت اي احد الله يدنيا على كل حال انا اللي قالي اخوي خالد
شجون: وش عرف اخوك خالد بعلاقتنا على اساس محد يعرف
خالد: اخذ رقمك من الفاتوره وصارت مشاكل بالبيت بس انا مقلتلك وشاف رقمك بجوال حمد صديقه وسال حمد عنك وقاله ان لك علاقه معه
شجون:تضحك بقوه الحين خالد اخوك صديق حمد
جراح: وش يضحكك
شجون:اضحك على العبه الحقيره للي العبوها بصراحه احبكوها صح
بس تدري انا مالومهم انا الوم انسان وثقت فيه ثلاث سنوات امنته على قلبي و مصانه من اول كذبه قدر يحطمه للاسف للاسف ماكان يستحق هالثقه بس انا الحين فهمت السالفه
جراح: اي سالفه
شجون: السالفه ياجراح ان صديقتي ساره اذا تذكرها وياما كنت اسولف عنها طلعت زوجت حمد صديق اخوك خالد وساره اتصلت علي عصر العرس وسالتني عن فستاني وعن المشغل اللي انا فيه واعطت المعلومات زوجها حمد مشان يعطيها خالد اخوك مشان يستفيد من هالمعلومات انا ماراح احل
جراح:شجون انتي تتكلمين جد
شجون: مقول الا جراح اسم على مسمى سلاااام
جراح:حرام عليك تعالي
شجون:ياجراح انت جرحتني بعز الليل واهنتني ورحت وخليتني بين اربع جدران ملقيت اللي اشكيله
وانا اخليك بعز النهار مشان تلقى الف من تشكيله سلاااام
وسكرت شجون الخط
وجراح جن جنونه وصار مثل المجنون وكسر كل شي من حوله بالاستراحه وطلع بسيارته
واختفى ثلاث ايام محد يعرف وين راح
وجاء ثاني يوم وشجون تنتظر الصبح يطلع على نار
وقابلت ساره اول مدخلت الجامعه ساره ابيك بموضوع
ساره: خير نشالله
شجون: خير منين يجي الخير
ساره: ليش وش صاير
شجون: قبل كل شي اسالك بالله العظيم
ياساره انا عمري ضريتك بشي
ساره:ليش هالسؤال
شجون: انتي ادرى انا ليش اسال
ساره: انتي عن ايش تتكلمين انا مني فاهمه
شجون: ساره عاهديني انك تجاوبيني بصراحه وانك متكذبين علي
ساره:حست انها تورطت اعاهدك بايش
شجون: انتي بس عاهديني
ساره: اعاهدك
شجون: تذكرين زوج اللي حضرناه قبل اربع اشهر
ساره: ايوه وش فيه
شجون: انتي تصلتي وانا بالمشغل علي وسالتيني عن فستاني وباي مشغل اسرح شعري انتي ليش تسالين
ساره:تلعثمت شجون بذمتي منتي صاحيه تبيني اتذكر مكالمه من اربع شهور
شجون: بس هذي مو اي مكالمه
ساره: ليش مو اي مكالمه
شجون: انتي تعرفين ليش
ساره: انا معرف شي ولا ادري عن شي وبعدين انا تاخرت عن المحاظره
شجون:ساره انتي عاهدتيني وخنتي العهد بس حبيت اوريك الرسايل اللي بجوالي تجيني من اربع اشهر يترجاني بس ارد بس اقول الو
ساره: بعد مقرت الرسايل
بس يشجون انتي اللي بليتيه بشرك انتي اللي تتصلين عليه
شجون: بعد هذا موال جديد متى غنيتوه
ياحبيبتي يكون بعلمك والله يشهد علي ان زوجك هو اللي يتصل ومعرفت انه زوجك غير امس لما شفت رقمه بجوالك والايام راح تثبتلك صحة كلامي
وعلى فكره هو للحين يتصل علي
ساره: كذابه
شجون: خلاص انا كذابه بس اللي تاكدت منه انك غداره وخاينه العشره ولو فيك خير متاخذين معلومات مني وتعطينها زوجك مشان يستفيد منه
وراحت شجون وتركت ساره وهي مقهوره حست ساره انها ستحقرت نفسها
وممدى شجون تروح الا رجعت لان حمد اتصل عليها
وبدون متتكلم جت عند ساره وردت على حمد وحطت سبيكر
حمد:الوو
شجون: نعم
انا مقلت لاتتصل على هالرقم مره ثانيه
حمد: بس انا احبك لي اربع شهور اتصل وانتي منتي حاسه فيني
شجون: انا عندي وحده تبي تكلمك
حمد: بس انا ابيك انتي
واعطت شجون ساره الجوال
ساره: حمد يحقير
حمد: من انتي
ساره: انا ساره ياحمد ساره
وسكر الخط من الصدمه وجلست ساره تبكي وتتاسف من شجون انا فعلا انا اعطيت المعلومات حمد لانه قالي
وقطعتها ساره مهما كانت الاسباب لو انك انسانه جاده وصادقه كان مسويتي كذا
انتي بالمعلومات التافهه هذي دمرتي حياتي بس من اليوم ورايح لا اعرفك ولاتعرفيني
وراحت شجون وتركت ساره
راحت شجون دور فيها الدنيا انطعنت طعنتين طعنه جراح وطعنت ساره
صارت متثق في احد نهائيا متثق حتى بنفسه حست ان كرامتها انهانت كانت بحاجه للي يرد كرمتها
ومرت الايام وجراح ندمان على اللي صار
ويحاول انه يرجعها بس شجون تصده
وفي يوم من الايام جاء عريس لشجون يتقدملها
ضابط غني من عيله غنيه جدا محترمه ومعروفه بصيتها وثراها
وحست شجون بان كرمتها ترجع بموفقتها وانها راح تهين كرامت جراح لما يعرف انها انخطبت دون ماحتى تقوله
وافقت شجون على المعرس
وبما ان المعرس
موضوع: بنسى غرامي فيك لو صار ماصار 
